Graz

Graz
	Graz (Österreich) Graz
Basisdate
Staat:	Östriich
Bundesland:	Steiermark
Politische Bezirk:	Statutarstadt
Kfz-Kennzeiche:	G
Fläche:	127,48 km²
Koordinate:	47° 4′ N, 15° 26′ OKoordinate: 47° 4′ 0″ N, 15° 26′ 0″ O
Höchi:	353 m ü. A.
Iiwohner:	298.479 (1. Jän. 2023)
Poschtleitzahlen:	801x, 802x, 803x, 804x, 805x
Vorwahl:	0316
Gmoandskennziffer:	6 01 01
NUTS-Region	AT221
Adress vo dr ; Gmoandsverwaltig:	Hauptplatz 1; 8011 Graz
Website:	www.graz.at
Politik
Burgermoaschter:	Siegfried Nagl (ÖVP)
Gmoandsrot: (2017) ; (48 Mitgliider)	Insgsamt 48 Sitz 0 ÖVP: 19 0 KPÖ: 10 0 FPÖ: 8 0 GRÜNE: 5 0 SPÖ: 5 0 NEOS: 1
	; Grazer Rothuus
	(Quelle: Gmoanddate bi Statistik Austria)

Graz isch d Landeshauptstadt vum Bundesland Steiermark und mit 289.440 Yywohner (Stand 1. Jänner 2018) di zweitgröscht Stadt vo Öschtriich. D Stadt liit a bäide Syte vo de Mur im Grazer Becki. D Metropolregion Graz isch mit 622.259 Yywohner (Stand 2016)^[1] noo de Metropolregion Wian und Stadtregion Linz di drittgröscht Metropolregion vo Öschtriich. De Grossruum Graz isch i de letschte zää Johr dä Balligsruum vu Öschtriich gsi, wo am schnällschte gwachse isch.

S Grazer Fäld isch i de römischi Chaiserziit e dicht bsidleti Agrarlandschaft gsi. Im 6. Johrhundert isch do ne Burg bout worde, wo sich de Naame Graz devo abläitet (alpeslawisch gradec bedütet „chliini Burg“).^[2] S Stadtwappe het Graz 1245 übercho, vo 1379 bis 1619 isch Graz habsburgischi Residänzstadt gsi und het i dem Ziitruum mehrere osmanischi Aagriff widerschtande. 2003 isch Graz Kulturhauptstadt vo Öiropa gsi.

Graz het sich zue re Uniwersiteetsstadt mit insgsamt fascht 60.000 Studierende (Stand 2. Jänner 2017) entwicklet. Si isch zur Menscherächtsstadt ernännt worde und isch Trägeri vum Öiropabryys. D Altstadt vo Graz und s Schloss Eggebärg ghöret syt 1999 bzw. 2010 zum UNESCO-Wältkulturärb. Graz isch Bischofssitz vo de Diözese Graz-Seckau. Syt Merz 2011 isch Graz als UNESCO City of Design Teil vom Creative Cities Network.^[3]

↑ Eurostat Urban Audit: Metropolregionen (Larger Urban Zone) (abgruefe am 9. Jänner 2018).
↑ Walter Brunner: Neues und Interessantes zur Frühgeschichte der Stadt Graz. In: Stadtarchiv und Stadtgeschichte. Linz 2004, S. 657.
↑ Design Bote: Graz wird City of Design. (Memento vom 10. Novämber 2016 im Internet Archive)

[1] Eurostat Urban Audit: Metropolregionen (Larger Urban Zone) (abgruefe am 9. Jänner 2018).

[2] Walter Brunner: Neues und Interessantes zur Frühgeschichte der Stadt Graz. In: Stadtarchiv und Stadtgeschichte. Linz 2004, S. 657.

[3] Design Bote: Graz wird City of Design. (Memento vom 10. Novämber 2016 im Internet Archive)

[1]

[2]

[3]